لا لدستور الإخوان المعدل 13

ﻟﻴﻪ ﺣﺘﻘﻮﻝ ﻧﻌﻢ ﻟﻠﺪﺳﺘﻮﺭ .. ﻋﺸﺎﻥ ﻧﺨﻠﺺ ﻭﻋﺸﺎﻥ ﻓﻴﻪ ﺣﺎﺟﺎﺕ ﻛﺘﻴﺮ ﻛﻮﻳﺴﺔ ﻭﻋﺸﺎﻥ ﻛﺘﻴﺮ ﻣﻦ ﺍﻟﻨﺨﺒﺔ ﺑﻴﻘﻮﻟﻮﺍ ﻧﻌﻢ .. ﻃﺐ ﻓﺎﻛﺮ ﻟﻤﺎ ﻗﻠﺖ نعم ﻓﻰ ﺇﺳﺘﻔﺘﺎﺀ 19 ﻣﺎﺭﺱ ﻋﻠﻰ
ﺗﻌﺪﻳﻼﺕ ﻃﺎﺭﻕ ﺍﻟﺒﺸﺮﻯ ﻭﺻﺒﺤﻰ ﺻﺎﻟﺢ ؟؟ ﻣﺎﻫﻮ ﺑﺮﺿﻪ ﻛﻨﺖ ﻋﺎﻳﺰ ﺗﺨﻠﺺ ﻭﺑﺮﺿﻪ ﻛﺎﻥ ﻓﻴﻪ ﺗﻌﺪﻳﺎﺕ ﻛﺘﻴﺮ ﻛﻮﻳﺴﺔ ﻭﺑﺮﺿﻪ ﻛﺘﻴﺮ ﻣﻦ ﺍﻟﻨﺨﺐ ﻗﺎﻟﻮﺍ ﻧﻌﻢ ﺳﺎﻋﺘﻬﺎ .. ﺗﻌﺮﻑ بقى ﺇﻥ (ﻧﻌﻢ) ﺑﺘﺎﻋﺔ 19 ﻣﺎﺭﺱ ﻫﻰ ﺍﻟﻠﻰ ﻟﺒﺴﺘﻨﺎ ﻓﻰ ﺍﻟﺤﻴﻄﺔ ﻟﺤﺪ ﺍﻟﻨﻬﺎﺭﺩﻩ .. ﺭﻛﺰ ﺍﻟﻤﺮﺓ ﺩﻯ ﺃﺭﺟﻮﻙ .. ﺍﻟﻤﺮﺓ ﺩﻯ ﻏﻴﺮ .. ﺃﺻﻞ ﻣﻔﻴﺸﺶ ﺣﺪ ﺣﻴﺜﻮﺭ ﻭﻻ ﺟﻴﺶ حيقف  ﺿﺪ ﻣﺠﻠﺲ ﺷﻌﺐ .. أصلها ﻋﻤﺮﻫﺎ ﻣﺎ ﺣﺼﻠﺖ

لا لدستور الإخوان المعدل 12

حكومة أحزاب الطابور الخامس تصدر قانون للتظاهر فى توقيت غريب بعدما عبرت مصر الفترة الأصعب !! النشطاء يثورون ويتحدون القانون وينزلون فى مظاهرات لا جدوى منها !! الشرطة تواجه بحسم وعنف مظاهرات الثورجية والإخوان المأجورين (مفيش ولا إخوانجى فعلا) فيسقط مصابين وقتلى !! القبض المفاجئ على نشطاء السبوبة بعدما عاثوا فى الأرض فسادا على مدار تلات سنين وبتهم تافهة !! الأوضاع تزداد إشتعالا بلا داعى !! أخبار كثيرة عن ثورة إخوانية فى 25 يناير القادم !! صيحات من هناك وهناك تحذر من رفض الدستور وإلا عدنا لدستور الإخوان (مع إننا سنصوت على دستور الإخوان المعدل) ووجود إحتمال بمحاكمة السيسى حبيب الملايين دوليا (مع إننا تخطينا موضوع الإنقلاب المزعوم) !! هاه خفت ؟؟ إتخضيت على رأى محمد سعد ؟؟ روح بقى قول نعم للدستور وإقنع نفسك بإن ده الصح مش خوف ولا حاجة .. طب نلعب على نرجسيتك وحبك لدماغك .. نطلع لك شوية ناس بتحبهم يقولوا إن التصويت بنعم للدستور هو عين العقل .. إبسط يا عم طلعت على حق .. نأكد لك بقى إن إنت دماغ وعلى حق ؟؟ نطلع لك الناس اللى على باطل واللى إنت شايفهم إرهابيين ونفسك تخلص منهم يقولوا لك ده دستور وحش وحنقاطع أو حنقول لأ (مع إنهم مش معترفين أصلا لا بثورة يونيو ولا بخارطة طريق) .. وطالما موقفهم كده يبقى إنت صح وعلى حق ودماغ وحتنفخ الإخوان وحتقول نعم للدستور .. مش كده وبس .. ده انت حتروج لنعم بكل ما أوتيت من قوة .. برافو .. لقد أثبت نجاح المخابرات التركية والبريطانية والإسرائيلية والأمريكية فى فهم مشاعر وسلوكيات الشعب المصرى .. طبعا مش تلات دول منهم إحتلوك قبل كده وعاشروك وعجنوك وخبزوك وعارفين ازاى يلاعبوك .. والرابعة هى القوة الأعظم التى تملك مفاتيح كل شئ بما فيهم مفتاتيح مخك المفتح وقلبك الرهيف .. حقيقى كل أجهزة مخابرات الدول دى بيشكروك على حسن تعاونك معهم .. هم عايزينك تقول نعم لدستور الإخوان المعدل .. ألا حقيقى إنت كده فعلا ؟؟

لا لدستور الإخوان المعدل 11

زى ما خلوك تتجرجر وتنزل فى مؤامرة يناير وإنت فاكرها ثورة شريفة وطاهرة .. وزى ما خلوك تكره مبارك والعيشة واللى عايشينها .. وزى ما خلوك تصدق إن الداخلية هى اللى فتحت السجون وإن شفيق هو اللى ورا موقعة الجمل .. وزى ما خلوك تنزل تقول نعم لتعديلات طارق البشرى الإخوانجى .. وزى ما خلوك تقول مش مهم الدستور أولا وخلونا نخش فى انتخابات البرلمان والرياسة ونخلص .. وزى ما خلوك تنسى تاريخهم الإسود وتنتخبهم سواء عن قناعة أو رفضا لشفيق .. وزى ما خلوك وخلوك وخلوك .. دلوقتى بيخلوك تروج للتصويت بنعم. لدستور الإخوان المعدل وإنت فاهم إنك بكده بتاخد القرار الصح .. هو انت لسه ما خدتش بالك إن كل إختياراتك اللى كنت فاهم إنها صح طلعت غلط بعد كده !! والله ده اللى بيحصل فيك دلوقتى .. حروب الجيل الرابع إسمها destroy yourself .. ديستروى بقى ورحمة الله وبركاته

لا لدستور الإخوان المعدل 10

أتمنى إن الدولة العميقة تطلع عند حسن ظننا بيها وتكون بتريح الزبون لحد ما تاخده على قفاه .. يعنى يا المحكمة تحكم ببطلان اللجنة ونرجع لدستور 71 أو حتى تتعمل لجنة من أول وجديذ بعيدا عن أحزاب الطابور الخامس .. أو إن الرئيس يقرر إن الإنتخابات الرئاسية تبقى قبل البرلمانية وبالنظام الفردى مما يحرم الإخوان من الأغلبية التى يسعون إليها بمليارات قطر وإيران وبالتالى يحرمهم من تشكيل الحكومة اللى حتشرف على إنتخابات الرياسة .. غير كده يبقى الزبون هو اللى ريح العميقة

لا لدستور الإخوان المعدل 8

زمان عدوك لما كان يروح يمين كنت تروح شمال .. دلوقتى فى حروب الجيل الرابع المخابراتية الإعلامية عدوك بقى يروح مين عشان عارفك حتروح شمال وتقع فى الفخ اللى حاططهولك فى الشمال .. ماهو بقى فاهمك من حروب الجيل التالت يا غشيم .. الصح الأيام دى إنك تروح يمين معاه وبكده ما تقعش فى الفخ وتضيع له تعبه وفلوسه اللى صرفها ع الفاضى وكمان تمخوله وتلخبط له خططه .. العميقة عملتها مرة لما عدت المؤامرة وسابتها تفشل بدل ما تواجهها زى ما كانوا متوقعين .. ياترى بقى العميقة حتطلع عميقة على حق وتعملها فيهم تانى ولا إحنا جبنا آخر العميقة ؟؟؟

لا لدستور الإخوان المعدل 7

أغلبية البرلمان القادم ستكون تحالف بين الإخوان المخفيين (دكاترة ورجال أعمال وأساتذة جامعات غير معروف تأخونهم) + سلفيين مازال لهم أتباعهم ومؤيديهم (فإرهاب الإخوان لم يشملهم) + أحزاب ضعيفة تلهث وراء مصالحها مثل الوفد البدوى والدستور البردعاوى والناصرى العاشورى .. إلخ , وهذ الخليط الغير متجانس ستجمعه وتدعمه مليارات الإخوان وقطر وإيران وتركيا ناهيك عن الدعم الإعلامى الرهيب الذى ستوفره لهم أمريكا وإعلانات شركاتها التى تتحكم فى الميديا خارجيا وداخليا .. هذا الخليط الشاذ سيحكم قبضته على السلطة التشريعية والتنفيذية منفردا بعدما تم تهميش صلاحيات الرئيس وإلغاء مجلس الشورى للذى كان وجوده بثلث أعضائه المعينين داعما لصلاحيات رئيس الجمهورية .. هذا الخليط الشاذ سيشرع وسيحكم بما تأمر به أمريكا وبما يدعم تمكين الإخوان (حليفهم الأساسى) لعشرات السنين .. هذا الخليط الشاذ لن نتمكن من الثورة عليه إن أساء التصرف وعفا عن الإخوان المساجين والإرهابيين أو لو عدل الحدود (الهدف الأساسى للمؤامرة على مصر) .. فهل سمعتم من قبل عن ثورة شعب على مجلس شعب .. هل سمعتم عن إنقلاب عسكرى على مجلس شعب .. بالطبع لا وحتى وإن حدث فلن يعترف به أحد فى المجتمع الدولى .. صحيح أن بالدستور أبواب كثيرة رائعة .. لكن هذه الأبواب الرائعة كالحريات هى التى ستخضع للتعديل من جانب طيور الظلام عندما يحكمون قبضتهم على مصر مرة أخرى ونهائية .. الكحكة مسمومة مهما رشوا عليها سكر .. إحترسوا ولا يغرنكم كل ما تشاهدون وتسمعون .. إعقلوها مع أنفسكم .. وحكموا عقولكم لا عواطفكم .. أنا وأنت وأنتى ليس لدينا وطنا غيرها .. أما من ترونهم على شاشات الفضائيات فلديهم أموالا كثيرة وأوطانا بديلة إن ضاق بهم العيش فيها تحت الحكم الدينى الفاشى الذى سنجلبه لأنفسنا إن سرنا وراء نخبتنا التى إبتلينا به

لا لدستور الإخوان المعدل 6

قول نعم وبعدين نبقى نعدل !! طب مين اللى حيعدل ؟؟ مجلس شعب الزيت والسكر واللحمة كمان !! أموال قطر وإيران وتركيا ستنسال أنهارا لضمان فوز التيار الدينى وأذنابه والمخدمين عليه بأغلبية البرلمان .. هذا البرلمان قد أصبح وفقا لدستور الإخوان المعدل هو الفرعون الجديد (لكن فرعون غير معروف نسبه) وذلك بعدما تم تهميش صلاحيات رئيس الجمهورية وإلغاء مجلس الشورى لصالحه .. يا سيدى لو صوتنا لدستور الإخوان المعدل نكون بذلك قد حكمنا على أنفسنا بالحكم الدينى 500 سنة فعلا كما قال مرسى .. لأن هذا البرلمان الذى سيشكل الحكومة ويسن القوانين ويدير الدولة سيفعل ما يشاء وسيقرر ما يشاء بما فى ذلك العفو عن قادة الإخوان تحت مسمى قانون المصالحة أو غيره .. ولن يستطيع أحد الإعتراض .. عمر حضرتك سمعت عن ثورة شعب على مجلس شعب .. طب عمر حضرتك سمعت عن إنقلاب على مجلس شعب .. الخازوق المرة دى يا سيادة المستشار مالوش مخرج .. دخول فقط .. أرجوك تمهل فى الدعاية لقبوله وأعد حساباتك فمريدينك كثر وهذه مسئولية لا يخطئها من هو بقامتك